Yay mövsümündə hansı nutrientlərə üstünlük verməliyik?

Yay aylarında insanların qida ehtiyacları dəyişir. Günəşin istiliyi və şüaları bədənimizdən bütün vacib qidaları oğurlaya bilər və buna görə də mövsümlər dəyişdikcə qidalanma da uyğunlaşdırılmalıdır. Bir insan çöldə çox vaxt keçirdikdə, tərləməyə başlayır və lazım olan əsas vitamin və minerallar da itmiş olur. Ona görə də bu itkiləri kompensasiya etmək zərurəti yaranır. Odur ki, yay mövsümünü sağlam başa vurmaq üçün vitamin və minerallara ehtiyac var.
Yay mövsümündə ən yaxşı vitamin və minerallar

Vitamin E

Bu vitamin ilin ən isti aylarında dərini zədələrdən qoruyur. Əgər yay aylarında çox aktivsinizsə, əlavə E vitamini qəbul etmək lazımdır. Bu, enerjini artırır, fiziki dözümlülüyü və əzələ gücünü çoxaldır.
Odur ki, bu elementi ehtiva edən qidalara üstünlük verilməlidir. Qoz, fındıq, bişmiş ispanaq, mal əti, quzu əti və yağlı balıqlar da tərkibində bu vitaminin bol olduğu qidalardandır.

Vitamin A

A vitamininin gündəlik əlavə olaraq qəbul edilən zaman insanı dəri xərçəngindən qoruduğuna dair bəzi sübutlar var. Bu, Günəşin dəri zədəsini bərpa etməyə çox kömək edir, bu da onu yay üçün çox vacib bir vitamin hesab edir.
Amma bununla yanaşı onu qəbul etməzdən əvvəl həkimlə məsləhətləşmək və yoxlamaq lazımdır, çünki bu vitamin müəyyən dərmanlar qəbul edərkən reaksiya verə bilər. A vitamininin yüksək olduğu bəzi qidalar mal ətinin və quzunun qaraciyəri, qızılbalıq və keçi pendiridir.

Vitamin C

C vitamini həddindən artıq Günəş şüaları altında işləyən və qalanlar üçün çox yaxşı bir tövsiyədir. Bu situasiya ilə üzləşənlər qida rasionundan vitamin C-ni əskik etməməlidirlər. C vitamininin tərkibindəki askorbin turşusu tər vəzilərini yaxşı vəziyyətdə saxlamağa kömək edir və istilik vurması və qızdırma səpgilərindən əziyyət çəkməyin qarşısını alır. 
Mövsümi allergiyadan əziyyət çəkənlər də bu vitaminin gündəlik dozalarını qəbul etməklə simptomları azalda bilərlər. Bu təbii histamin və immunitet sistemini gücləndirir. Bu vitamini əldə etməyin ən yaxşı yolu manqo, çiyələk, kələm, brokoli, gül kələmi və kivi yeməkdir.
C vitaminini gündəlik rasiona daxil etməyin başqa bir yolu isə lobya yeməkdir. Lobyanı həm bişmiş-qızardılmış, həm qaynadılmış, həm də çiy şəkildə yemək mümkündür. Əslində, bu qida sağlam həyat tərzi üçün lazım olan bir çox pəhriz tələblərini təmin edə bilər. Onun tərkibində olan A, B, C vitaminləri, eləcə də kalium və kalsium mövcuddur.
Unutmayaq ki, vitamin və minerallarla zəngin olan bir pəhriz sağlamlıq və gözəl həyat tərzini təşviq etmək üçün vacibdir. Sağlamlıq naminə lazım olan qidaları qəbul etmək üçün gündəlik həyatda asan dəyişikliklər etmək mümkündür. Bu vitamin və minerallar aclığı azaltmağa kömək edir və insanın həm mənəvi, həm də fiziki sağlamlığını taraz saxlayır. 

Üzvi lobya və paxlalı bitkilərdən hazırlanmış xörəklər orqanizmi proteinlə təmin edir. 
Bütün bunlarla yanaşı yay mövsümündə gündə ən azı iki litr (səkkiz stəkan) su içmək tövsiyə olunur. Çünki qeyd etdiyimiz kimi yay aylarında artan tərləmə ilə mineral duzların əhəmiyyətli bir itkisi yaranır, ona görə də insan bu itkiləri bərpa etmək məcburiyyətindədir. Onu da xatırladaq ki, yay aylarında hamilə qadınlar, uşaqlar və yaşlılar ən çox susuzlaşdırma riski altındadırlar. Növbəti mövsümlərə sağlam keçmək üçün yay aylarında spirtli və alkoqollu içkilərin istehlakını mümkün qədər məhdudlaşdırmaq lazımdır.
Mövsümi meyvə tərəvəz və qatıq istehlakını artırmaq yay aylarında həkimlərin tövsiyələrindəndir. Vitaminlər, minerallar, lif, su və antioksidantlarla zəngin olan meyvə və tərəvəzlər yayda qida rasionunun əsl ulduzu olmalıdır.
Odur ki, yay aylarında orqanizmi itkilərlə üzləşməməsi üçün zəruri vitamin və minerallarla təmin etmək lazımdır. Bu təminat həm də digər mövsümlərin zəmanətidir.
Çalışın sağlamlığınızı qoruyun!